Rusiya Silahlı Qüvvələrində yeni növ koronavirus (COVID-19) infeksiyasının pik həddi aprel ayının ikinci yarısında qeydə alınıb.

Unikal.org xəbər verir ki, bunu Rusiyanın Müdafiə naziri, ordu generalı Sergey Şoyqu Rusiya Prezidenti Vladimir Putinlə keçirdiyi videokonfransda bildirib.

S. Şoyqunun sözlərinə görə, martın əvvəlindən Rusiya ordusunda koronavirusa 5,5 min yoluxma halı aşkarlanıb.

Rusiya Müdafiə naziri bildirib ki, koronavirusa yoluxanlardan 3,5 mini sağalaraq xəstəxanadan buraxılıb.

O qeyd edib ki, pandemiya Rusiya Silahlı Qüvvələrinin döyüş hazırlığına təsir etməyib.