Balakən sakinində narkotik vasitə aşkarlanıb.

Bu barədə Unikal.org-a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Balakən Rayon Polis Şöbəsi (RPŞ) əməkdaşlarının keçirdikləri əməliyyat tədbirləri nəticəsində Tülü kəndi ərazisində Mahamalar kənd sakini Q.Mamedova məxsus əkin sahəsindən kultivasiya yolu ilə yetişdirilmiş 73 ədəd çətənə kolu və 19 kq 190 qram qurudulmamış marixuana aşkarlanıb götürülüb.

Bundan başqa, Ucar RPŞ-nin əməkdaşları tərəfindən Təzə Şilyan kəndi ərazisində 1 hektar sahədə yabanı halda bitmiş 117 kq çəkidə 218 ədəd çətənə kolu aşkarlanıb məhv edilib.

Bərdə RPŞ-nin əməkdaşları tərəfindən şəhər sakini, əvvəllər məhkum olunmuş V.Dəmirovdan 8,36 qram marixuana götürülüb. 

V.Dəmirovun Zümürxan kəndi ərazisindəki əkin sahəsində gizlətdiyi 500 qram marixuana da aşkarlanaraq götürülüb.