ABŞ-ın "Pensions & Investment Research Consultants" şirkəti "Tesla" şirkətinin investorlarına təsisçi və icraçı direktor İlon Maskı idarə heyətindən uzaqlaşdırmağı tövsiyə edib.

Unikal.org xarici KİV-ə istinadən xəbər verir ki,  buna səbəb İ.Maskın son bir neçə il ərzində bonus sazişləri imzalamaqla şirkətin hesabına zənginləşməsi olub.

Qeyd olunur ki, son üç ildə "Tesla"nın təsisçisinin imzaladığı razılaşmalar ona 55,8 milyard dollar qazanc gətirib. Müəssisənin fikrincə, bu, "Tesla"nın nüfuzuna xələl gətirə bilər.

Bundan başqa, qeyd olunub ki, İ.Maskın "Twitter"də bəzən yazdığı fikirlər "Tesla"nın milyonlarla dollar itirməsinə səbəb olur.