Hindistan Hərbi-Dəniz Qüvvələrinə məxsus “MiQ-29” qırıcısı Ərəb dənizi üzərində təlim-məşq uçuşu keçirən zaman qəzaya uğrayıb.

Unikal.org xəbər verir ki, bunu Hərbi-Dəniz Qüvvələrinin nümayəndəsi bildirib.

Hadisə nəticəsində pilot itkin düşüb.

Ölkənin Hərbi-Dəniz Qüvvələri qəza ilə bağlı araşdırmalara başlayıb. Hadisənin səbəbi hələ ki məlum deyil. Qırıcı “Vikramaditya” aviadaşıyıcısından havaya qalxıbmış.

Bildirilib ki, Hindistan donanmasında istismar edilən “Vikramaditya” (keçmiş SSRİ istehsalı olan “Admiral Qorşkov” aviadaşıyıcı) aviadaşıyıcında Rusiya istehsalı olan 36 “MiQ-29K” qırıcı var. Bundan başqa 65 “MiQ-29” qırıcı da mövcuddur.