"Başda cənab Ali Baş Komandan olmaqla, Müzəffər Azərbaycan Ordusu və bütün Azərbaycan xalqını təbrik edirəm. Hər bir  azərbaycanlının bu qələbədə böyük rolu var". 

Unikal.org xəbər verir ki, bu fikirləri  DSX-nın zabiti, polkovnik-leytenantı Azərbaycan Güləş Federasiyasının vitse-prezidenti Firdovsi Umudov Real Tv-nin efirində səsələndirib: 

"II Vətən Müharibəsi başlayan vaxt mən və digər idmançılar döyüşlərə qatılmaq üçün hərbi komisarlığa müraciət etmişdik. Hətta, bununla bağlı təlimlərə qatıldıq. Dövlət Sərhəd Xidmətinin rəisi,  polkovnik-leytenant Elçin Quliyevin rəhbərliyi ilə yüksək səviyyəli təlimlərdə iştirak etdik. Burada da çox hadisələrin şahidi oldum. Hər bir şəxs,  zabit, əsgər  döyüşə qatılmaq üçün can yandırırdı.

İllər keçdi Azərbaycan öz liderinin komandanlığı ilə gücünü dünyaya nümayiş etdirdi. Sübut etdi ki, Azərbaycan güclü xalqdır, güclü millətdir. Azərbaycanın güclü, qüdrətli sərkərdəsi var. O da İlham Əliyevdir."- deyə F.Umudov bildirib. 

DSX-nın zabiti həmçinin beynəlxalq arenalarda, Dünya və Avropa çempionatlarında qaldırılan bayrağı işğaldan azad olunan torpaqlarda dayanan əsgərlərə təhvil verməsindən də danışıb:

"Əsgər qardaşlarımızı yaralansa da sonuna qədər mübarizə aparıblar, döyüş yerini tərk etməyiblər.  Bir sərhədçi və əsgər kimi mən bunu özümdə borc bildim. Beynəlxalq arenalarda, Dünya və Avropa çempionatlarında, eləcə də Olimpiya Oyunlarında dalğalanan bayraq işğaldan azad olunan torpaqlarımızda dalğalansın. 

İllərlə biz bunu arzu etmişik.  İndi bu artıq reallaşıb. 

Cənab prezident İlham Əliyev və ölkəmizin I vitse-prezidenti  Mehriban xanım Əliyeva işğaldan azad olunmuş torpaqlarımıza ayaq basdı. Cənab prezident  üçrəngli bayrağımızı həmin torpaqlarda sancdı. 

Ümummilli liderimiz Heydər Əliyev hər zaman bildirib ki, mənim axıra çatdıra bilmədiyi taleyüklü məsələləri özümqədər inandığım İlham Əliyev axıra çatdıracaq. 
Bu gün Ulu öndərimizin də, şəhidlərimizin də ruhu şaddır. Şəhidlərimizin qanı yerdə qalmadı. Bu gün Azərbaycan ordusu, Azərbaycanın müzəffər Ali Baş Komandanı öz sözünü dedi və qələbə sevincini xalqımıza, bütün dünya Azərbaycanlılarına çatdırdı".