Konstitusiya Məhkəməsinə yeni hakim təyin olunacaq. 

Unikal.org-un məlumatına görə, Humay Elçin qızı Əfəndiyevanın Azərbaycan Respublikası Konstitusiya Məhkəməsinin hakimi vəzifəsinə namizədliyi haqqında məsələ Milli Məclisin Hüquq siyasəti və dövlət quruculuğu komitəsinin bu gün keçirilən iclasının gündəliyinə daxil edilib. 

Məsələ müzakirə edildikdən sonra parlamentin plenar iclasına tövsiyə olunub. 

Qeyd edək ki,  H.Əfəndiyeva Azərbaycan baş nazirinin sabiq müavini, xalq yazıçısı Elçin Əfəndiyevin qızıdır.