Növbəti aylarda Azərbaycanda pensiyaların baza hissəsində artımlar olacaq.

Bunu APA-ya açıqlamasında Dövlət Sosial Müdafiə Fondunun sədri Səlim Müslümov bildirib.

S. Müslümov deyib ki, buna səbəb bu yaxınlarda pensiyaların sığorta hissəsinin indeksləşdirilməsidir: “Hər il ölkədə pensiyaların sığorta hissəsində indeksləşdirmə aparılır. Yeddi ildir ki, bu proses həyata keçirilir. Hazırda da bu proses gedir. İnflyasiya ötən il necə olubsa, bu il pensiyaların sığorta hissəsi ona uyğun indeks olunur. Ölkə prezidentinin sərəncamı ilə pensiyaların sığorta hissəsinin indeksləşdirilməsi növbəti aylarda pensiyaların baza hissəsinin artmasına səbəb olacaq”.