Avqust ayının 1-dən etibarən Özbəkistan tam olaraq latın əlifbasına keçib.

Unikal.org xəbər verir ki, dövlət orqanları indiyədək şəhər, küçə, məhəllə, kənd, nazirlik, komitə, digər idarə və təşkilat adlarının, rəsmi sənəd və yazışmaların, müxtəlif blankların, kargüzarlıq sənədlərinin, kitab və qəzetlərin, reklamların, habelə elanların latın əlifbasında yazılışını və çapını təmin edib.

Xatırladırıq ki, bu il fevral ayının 10-da Özbəkistan Nazirlər Kabinetinin qəbul etdiyi sənədə əsasən, ölkə tam olaraq latın əlifbasına 2022-ci ilin sonunadək keçməli idi. 

Buna baxmayaraq, Özbəkistanın müstəqilliyinin 30 illiyi ilə bağlı Baş nazir Abdulla Aripov latın əlifbasına keçidin tezləşdirilməsinə dair qərar verib.