BMT Baş katibi Antonio Quterreş Sudanda həyata keçirilən çevriliş cəhdini pisləyib.
Unikal.org xəbər verir ki, bu barədə Quterreşin rəsmi nümayəndəsi Stefan Dujarrik məlumat yayıb.
O qeyd edib ki, Sudandakı çevriliş cəhdi ölkədəki siyasi nizami pozmaq məqsədi daşıyır.
Dujarrikin sözlərinə görə, Baş katib Sudan hökumətini və xalqını dəstəkləyir.
Qeyd edək ki, bu gün Sudanda dövlət çevrilişinə cəhd olub. Dövlət çevrilişinə cəhd etməkdə şübhəli bilinən 40-dan çox zabit həbs edilib.
