Gəncə Şəhər İcra Hakimiyyətinin başçısı Niyazi Bayramov hazırda xəstəxanada müalicə alan Vətən müharibəsi iştirakçısı Ələkbərov Elşən İbrahim oğlunu ziyarət edib, onun səhhəti ilə maraqlanıb.
Bu barədə Unikal.org-a Gəncə ŞİH-dən məlumat verilib.
Bildirilir ki, Elşən Ələkbərov oktyabr ayının 7-də Gəncədə olan özəl xəstəxanalardan birinə yerləşdirilib. O, ürək damarlarının vəziyyətini göstərən anju müayinəsi olunub, hazırda acıq ürək əməliyyatının keçirilməsinə ehtiyac var.
Niyazi Bayramov Elşən Ələkbərov və yaxınları ilə söhbət edib. Onlar göstərilən diqqətə görə şəhər rəhbərliyinə öz minnətdarlıqlarını bildiriblər.
Şəhər rəhbəri Vətən müharibəsi iştirakçısına şəfa diləyib, onun əməliyyatı, müalicə və müayinəsi üçün müvafiq köməklik göstəriləcəyini bildirib.
Müzəffər Ali Baş Komandan, Prezident İlham Əliyevin müvafiq tapşırığına əsasən şəhid ailələri və qazilərə diqqət bundan sonra da davam etdiriləcəkdir.
