Yeni il gecəsi təcili yardıma müraciətlərdə xüsusi hal qeydə alınmayıb.

"Unikal" xəbər verir ki, bunu Bakı Şəhəri Təcili və Təxirəsalınmaz Tibbi Yardım Stansiyasının əməliyyat işləri üzrə baş həkimin müavini Nuridə Fərzəliyeva Səhiyyə Nazirliyinin "Instagram" səhifəsində canlı yayımda deyib.

Onun sözlərinə görə, bayram günlərində qida ilə əlaqədar zəhərlənmə də qeydə alınmayıb.

"Müntəzəm növbətçilik təşkil olunmuşdu. Bayram olmasına baxmayaraq, təcili yardım xidməti nəzarət altında idi. Gecikmələrlə bağlı xırda nüanslar oldu, amma normal şəkildə başa vurmağa çalışdıq".