Niderlandda keçirilən futzal üzrə Avropa çempionatının qalibi Portuqaliya yığması olub.

"Unikal" xəbər verir ki, pireneylilər finalda Rusiya üzərində qələbə qazanıb - 4:2.

Bu, Portuqaliya yığmasının ardıcıl ikinci qitə çempionluğu olub. Bu komanda ilk belə uğurunu 2018-ci ildə əldə edib. Portuqaliya həmçinin 2021-ci ildə dünya çempionu olub.

Qeyd edək ki, Avropa çempionatında bürünc medalı 3-cü yer uğrunda görüşdə Ukraynaya 4:1 hesabı ilə qalib gələn İspaniya qazanıb.