Sarkisyanın prezidentliyi rəsmən təsdiqləndi

Ermənistan MSK prezident seçkilərinin yekun nəticələrini açıqlayıb

Ermənistan Mərkəzi Seçki Komissiyası fevralın 18-də keçirilmiş prezident seçkilərinin yekun nəticələrini açıqlayıb.

MSK sədri Tiqran Mukuçyanın açıqladığı rəqəmlərə görə, hazırkı prezident Serj Sərkisyan 861 373 səs, yaxud ümumi səslərin 58,64 faizini toplayaraq seçkilərin ilk turunda qalib gəlib. İkinci yeri 539 693 (36,74) faiz səs toplamış “İrs” partiyasının lideri Raffi Onannisyan, üçüncü yeri Qrant Baqratyan (2,15%) tutub.

MSK-nın məlumatına görə, səsvermə hüququ olan 2 528 050 nəfərdən 1 521 489 nəfər, yaxud seçicilərin 60,18 faizi seçkilərdə öz hüququndan istifadə edib.