"Xaricilərin müdaxiləsi Qafqaz regionunun problemlərini daha da dərinləşdirəcək".
"Unikal" xəbər verir ki, bunu İran prezidenti İbrahim Rəisi Ermənistanın baş naziri Nikol Paşinyanla birgə mətbuat konfransında ikitərəfli söhbətdən sonra deyib.
“Şübhə etmirəm ki, Ermənistanın baş nazirinin İran İslam Respublikasına ilk səfəri iki ölkənin tərəqqisində dönüş nöqtəsi olacaq. Bizim hökumət üçün mehriban qonşuluq siyasəti prioritetdir və bu müddət ərzində Paşinyanla bir neçə görüşümüz olub. Bu görüşlərdə, xüsusən də bu səfər zamanı danışıqların əsas mövzusu iki ölkə arasında ticarət, iqtisadi və təhlükəsizlik əlaqələrinin inkişafıdır”, - Raisi bildirib.
O qeyd edib ki, iki ölkə arasında yaxşı münasibətlər şübhəsiz ki, regionda və beynəlxalq səviyyədə daha yaxşı münasibətlərə gətirib çıxaracaq.
Qafqaz regionunun İranın tarixi, sivilizasiyası və mədəniyyətinin bir parçası olmasından danışan Rəisi qeyd edib ki, Qafqaz regionunda təhlükəsizlik və sülh İran üçün çox önəmlidir:
“Ermənistanın baş naziri ilə ikitərəfli danışıqlarda hər iki tərəf vurğuladı ki, regional məsələlərin həlli məmurların və bölgəyə daxil olanların əlində olmalıdır və xaricilərin bölgəyə hər hansı müdaxiləsi problemi həll etmək əvəzinə problemlər yaradacaq”.
Raisi ümidvar olduğunu bildirib ki, Ermənistanın baş nazirinin səfəri zamanı Tehran və İrəvan arasında razılaşmaların həyata keçirilməsi mümkün olacaq.
Gültəkin Ələsgər
