Bakıda iki motosiklet oğurlanıb.

"Unikal" xəbər verir ki, bu barədə Daxili İşlər Nazirliyi məlumat yayıb.

Bildirilib ki, Nəsimi rayonu ərazisində ayrı-ayrı vaxtlarda fərqli ünvanlardan iki motosikletin oğurlanması barədə polisə məlumat daxil olub.

Nəsimi Rayon Polis İdarəsi 19-cu Polis Şöbəsi əməkdaşlarının keçirdikləri tədbirlərlə oğurluq əməlində şübhəli bilinən Rizvan Məmmədzadə, Elxan Ələsgərov, Nizam Səfiyarlı, Vüsal Zəkərgə və bir yeniyetmə müəyyən olunaraq saxlanılıblar.

Faktla bağlı araşdırma aparılır.