19 Noyabr 2019
18 Noyabr 2019
Rusiyanın Murmansk şəhərində iki azərbaycanlı öldürülüb, biri ağır yaralanıb
Rusiyanın Murmansk şəhərində iki azərbaycanlı öldürülüb, biri ağır yaralanıb KRİMİNAL 11:56 2013-12-06

Rusiyanın Murmansk şəhərində iki azərbaycanlı öldürülüb, biri ağır yaralanıb
Rusiyanın Murmansk şəhərində iki
azərbaycanlı öldürülüb, biri ağır yaralanıb

Arif Hüseynov: “Qətli törədənlər rus millətindən olub”

Rusiyanın Murmansk şəhərində azərbaycanlıların ölümü ilə nəticələnən silahlı insident baş verib. Dekabrın 4-də axşam saatlarında Murmanskın Xibinski küçəsi, ev 12 ünvanında silahlı insident qeydə alınıb. Nəticədə iki Azərbaycan vətəndaşı ölüb, biri isə ağır yaralanıb.
Ümumrusiya Azərbaycan Konqresinin Murmansk vilayəti üzrə nümayəndəsi Afil Hüseynov silahlı insident nəticəsində ölənlərin Lənkəran rayon sakinləri - 1976-cı il təvəllüdlü Nəriman Axundov və 1970-ci il təvəllüdlü Sədi Əzizov olduğunu bildirib: “Yaralı isə “Karina” ticarət mərkəzinin sahibi Həmid Kərimovdur. O, hazırda xəstəxanadadır. Vəziyyəti ağır olaraq qalır”.
Afil Hüseynov hadisənin təfərrüatları barədə də danışıb. Onun sözlərinə görə, qatillərin əsas hədəfi, çox güman ki, Həbib Kərimov olub: “Nərimanla Sədi onun badına gediblər. Hadisə dünən axşam saatlarında Həmid Kərimovun meyvə-tərəvəz bazasında baş verib. Sədi ilə Nəriman Sankt-Petrburqdan və Moskvadan Murmanska meyvə-tərəvəz gətirməklə məşğul idilər. Həmin gün də onlar bazaya meyvə-tərəvəz gətirmişdilər. Bazanın sahibi Həbib Kərimov öz köməkçisi ilə birlikdə bazaya yoxlama aparmağa gəlib. Bu zaman onları izləyən naməlum şəxslər bazaya girərək atəş açmağa başlayıblar. Nəticədə Nəriman ilə Sədi ölüb, Həbib isə ağır yaralanıb. Qətli törədənlərin kapşonlu gödəkçə geyinmiş iki nəfər olduğu deyilir”.
A.Hüseynov yerli mətbuatda qətlin azərbaycanlılar tərəfindən törədilməsi haqqında yayılan məlumatların şayiə olduğunu söyləyib: “Qətli törədənlər rus millətindən olub”. Diaspor rəhbəri bu gün mərhumların cənazəsinin Azərbaycana göndəriləcəyini söyləyib: “Artıq bütün sənədlər hazırlanıb. Bu gün cənazələr Bakıya göndəriləcək”.