Məhəbbət Kazımov Pirşağıda dəfn ediləcək

Əməkdar artist Məhəbbət Kazımov sabah Pirşağı qəbiristanlığında dəfn ediləcək". Bu barədə mərhumun qardaşı Əhliyyət Kazımov məlumat verib. O da məlum olub ki, M. Kazımovla vida mərasimi sabah, saat 12-də mərhumun evində baş tutacaq.
Qeyd edək ki, Azərbaycanın tanınmış müğənnisi, əməkdar artist Məhəbbət Kazımov dünyasını dəyişib. Müğənni bu gün səhər saatlarında uzun sürən xəstəlikdən sonra vəfat edib. O, şəkər xəstəliyindən əziyyət çəkirdi.
M.Kazımov 1953-ci il iyulun 2-də Laçın rayonunun Çorman kəndində anadan olmuşdu. Ailədə səkkiz bacı, dörd qardaş olan mərhum müğənni, 1990-cı ildə ailə həyatı qurub, üç övlad atası idi.