Bu gün Avropa Liqasının finalı oynanılacaq
07:03 14-05-2014
İDMAN
Bu gün Avropa Liqasının finalı oynanılacaq
İspaniya-Portuqaliya duellosundan kim qalib çıxacaq?
Bu gün Avropa Liqasının final oyunu keçiriləcək. Qitənin ikinci dərəcəli klub turnirinin qalibi İtaliyanın Turin şəhərində müəyyənləşəcək.
1971-ci ildə əvvəlki Yarmarkalar kubokunu əvəz edən turnir 43-cü dəfə qalibini tanıyacaq. 2009-cu ildə UEFA kuboku adını Avropa Liqasına dəyişən yarışın ən güclüsünün adı Pireney derbisində bilinəcək. İki qonşu ölkə - İspaniya və Portuqaliya təmsilçiləri növbəti titul üçün "Yuventus"un eyniadlı stadionuna çıxacaq.
Finala vəsiqəni elə bu stadionda qazanan "Benfika" 53 illik həsrəti bitirməyə çalışacaq. 1961-ci ildə qazanılan Çempionlar kubokundan sonra qitə miqyasında heç nə qazanmayan Portuqaliya təmsilçisi finalların uğursuz kimi tanınır. Lissabon klubu bu müddətdə 7 dəfə həlledici görüşdə uduzub. Son belə yenilgi isə ötən il qeydə alınıb. Həmin vaxt "Benfika"nın Avropa Liqasını qazanmasına "Çelsi" əngəl olmuşdu.
"Sevilya" isə bu turnirdə yaxın keçmişdə qələbə qazanıb. 2005/06 və 2006/07 mövsümlərində UEFA kubokunu başı üzərinə qaldıran İspaniya klubu 6 mövsümlük fasilədən sonra Avropada kubok əldə etməyə iddialıdır.
Qeyd edək ki, "Benfika" və "Sevilya" avrokuboklarda 57 ildən sonra görüşəcək. 1957-ci ilin payızında Çempionlar kubokunda yolları kəsişən komandaların duelində ispaniyalılar qalib gəlmişdi. "Sevilya" öz meydanında 3:1 hesabı ilə qalib gəlib və səfərdə qolsuz bərabərliklə kifayətlənmişdi.
Avropa Liqası, final, 14 may:
23:45. "Sevilya" (İspaniya) - "Benfika" (Portuqaliya)
Baş hakim: Feliks Brix (Almaniya)
Turin. "Yuventus" stadionu
İlkin Həsənoğlu
Digər Xəbərlər
2024-04-25 23:46:36
2024-04-25 22:37:33
2024-04-25 22:09:02
2024-04-25 21:40:47
2024-04-25 21:13:55
2024-04-25 20:38:16
2024-04-25 20:15:23
2024-04-25 19:18:24
2024-04-25 17:04:04
2024-04-25 14:00:00
2024-04-25 11:51:57
2024-04-25 10:00:00
2024-04-24 23:48:19
2024-04-24 23:25:10
2024-04-24 22:57:49
2024-04-24 22:42:02
2024-04-24 22:00:15
2024-04-24 21:54:53
2024-04-24 20:49:00
2024-04-24 18:12:31