Saz və gitara. Biri milli, digəri isə beynəlmiləl musiqi aləti. Hər iki simli alətin səsi möhtəşəmdir. İndi təsəvvür edin, bu iki səsi bir araya gətirsəniz, möhtəşəmlik necə artar. 

Unikal.org xəbər verir ki, iki gənc məhz bunu edib. Həvəskar da olsa görün ortaya hansı möhtəşəm mənzərə çıxır.

Sazın möhtəşəm səsi. Və şirinliyi ilə sazdan geri qalmayan gitara. Bəs bu iki şirinliyi bir araya gətirsək?

Bəli, iki gənc bunu etməyi bacarıb. Nəticədə ortaya belə möhtəşəm ifa çıxıb.

Telman Vəliyev və Niyaməddin Xuduzadə təsadüfən qərara gəliblər ki, sazla gitara səslərinin sintezini etsinlər.

Gənclər bu işə həvəskar başladıqlarını deyir. Sadəcə birlikdə ifa edir, videolarını sosial şəbəkələrdə yayırlar.

Niyaməddin həmçinin saz ustasıdır. Həm saz düzəldir, həm də təmir edir.

Hər iki gəncin gələcək planları musiqi sahəsindədir. Niyaməddin sazbəndliyə, Telman isə gitara ilə məşğul olmağa davam edəcəklərini bildirir.

Hər iki gənc saz və gitaranın sintezini daha da populyarlasdirmaq niyyətindədir.