Nə oxuduğu aydın olmasa da, sazdan elə yapışıb ki, sanki neçə illərin peşəkar ifaçısıdır.

Unikal.org məlumat verir ki, son günlər sosial şəbəkələrdə yayılmış bu videoda azyaşlı oğlan uşağının həvəslə saz ifa etmək istəməsi maraqla qarşılanıb. Videonu izləyənlər özünü əməlli -başlı aşıq kimi aparan körpənin gələcəkdə əsl aşıq olacağını yazır.

Araşdırmamız zamanı məlum oldu ki, videonun qəhrəmanı Bakıda yaşayan 2 yaşlı Xanlardır. Onun saza olan həvəsi isə boşuna deyilmiş. Xanlar Azərbaycanın məhşur sazbəndi Dədə Xudunun nəticəsi imiş.

Dədə Xudunun oğlu, sazbənd Fərman Mahmudov deyir ki, Xanların ayaqları yer tutandan saza maraq göstərib. O, oyuncaqlarla yox, sazla daha çox vaxt keçirir.

Hazırda bu ailədə demək olar ki, bütün oğlan uşaqları sazbənddir. Bu gedişlə isə Xanlar yəqin ki, saz ustasından daha çox aşıq olacaq.

2 yaşlı Xanlar böyüdükcə yəqinki hamını təəccübləndirməyə davam edəcək.

Unikal.org Xezerxeber.az-a istinadən mövzu ilə bağlı daha ətraflı videomaterialı təqdim edir: