Göl daşaraq əvvəlcə yola, ordan da həyətlərə və boş ərazilərə tökülür. Söhbət Sabunçu və Abşeron rayonlarının birləşdiyi yerdə, Məhəmmədi-Kürdəxanı yolunun kənarında yerləşən Zabrat gölündən gedir.

Unikal.org xezerxeber.az-a istinadən bildirir ki, qrunt və ətrafdakı çirkab suların gölə axıdılması sakinlər üçün böyük problemə çevirilib. Göl tez-tez daşır və ərazidə oılan evlər çirkab sulardan ziyan görür.

Sakinlər deyirlər ki, ərazidə tullantı sularının axıdılması üçün kanalizasiya sistemi yoxdur. Ona görə, də mütəmadi olaraq bu cür mənzərə yaranır. Sakinlər kanalizasiya xətlərinin çəkilməsi ilə problemlərinin həll ediləcəyini düşünürlər.

Məsələ ilə bağlı Abşeron raon Məhəmmədi Bələdiyəsindən bildirildi ki, sözü gedən problemdən xəbərdardılar və aidiyyatı qurumlar məlumatlandırılıb. Məsələyə fövqəladə hallar nazirliyi və "Azərsu" Açıq Səhmdar Cəmiyyətinin mütəxəssisləri tərəfindən yerində baxış keçirilib. Həmin göl dövlət proqramına salınıb və problem ən qısa zamanda həllini tapacaq.