ARB TV-nin "Evgördü" verilişi bu dəfə xalq artisti Məleykə Əsədovanın evində qonaq olub.

Unikal.org-un məlumatına görə, aktrisa övladı Gülərdən danışaraq zamanını qızına və sənətinə həsr elədiyini söyləyib:

"Qızımın 12 yaşı var. Ona demişəm ki, nə olursan ol, lazımlısından ol. Hansı peşəni seçirsə, peşəkar olsun. Aktrisalıq çox çətin sənətdir. Bir qızım var, istəmirəm ki, çətinliyə düşsün. Məni tamaşaçılara sevdirən mənim sənətimdir. Buna görə çox minnətdaram. Mənim tamaşalarıma dəfələrlə gəlib baxan tamaşaçılar var. Tamaşalardan sonra hər zaman mənim evim çiçəklə dolur. Son zaman çəkilən komediya filmlərindən yox, amma digərlərindən təklif gəlir.Vaxt çatdırmadığım üçün bəziləri ilə razılaşa bilmirəm".