Milli Məclisin deputatı, Mətbuat Şurasının sədri, tanınmış jurnalist, publisist Əflatun Amaşovun ad günüdür.
Unikal.org bildirir ki, millət vəkili 26 aprel 1957-ci ildə Gürcüstan Respublikasının Bolnisi rayonunun Faxralı kəndində anadan olub. 1974-cü ildə Faxralı kənd orta məktəbini bitirən Ə.Amaşov 1976-1978-ci illərdə SSRI Silahlı Qüvvələrində hərbi xidmət keçib.
O, 1985-1994-cü ildə "AzərTAC" Dövlət Teleqraf Agentliyində müxbir, şöbə müdiri, redaktor, baş redaktor və baş direktorun I müavini vəzifələrində çalışıb. 1995-ci ildə "Yeni Nəsil" Jurnalistlər Birliyinin yaradıcılarından olub. 1995-1998-ci illərdə təşkilatın sədr müavini vəzifəsini tutub. 1998-ci ildə "RUH" Azərbaycan Jurnalistləri Müdafiə Komitəsinin sədri seçilib. 2003-cü ildə Azərbaycan jurnalistlərinin I qurultayında Azərbaycan Mətbuat Şurasının sədri seçilib. 2005 və 2008-ci illərdə keçirilən qurultaylarda bu vəzifə yenidən ona həvalə olunub.
Jurnalistika sahəsində çoxsaylı kitabların, bir sıra dərs vəsaitlərinin müəllifidir.
Dünya Mətbuat Şuraları Təşkilatının İdarə Heyətinin və Avropa Mətbuat Şuraları Assosiasiyasının üzvüdür.
Azərbaycan Respublikası Prezidentinin 22 may 2009-cu il tarixli sərəncamı ilə Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının üzvü təyin edilib.
Qeyd edək ki, Əflatun Amaşov 2015-ci ildə Milli Məclisin deputatı seçilib.
Ailəlidir, bir övladı var.
.jpg "Penitensiar xidmətin rəisi Türkiyədə beynəlxalq tədbirdə iştirak etdi- FOTOLAR")
.jpg)
 Копия Sayt_1582801967.jpg)
