Bu gün səhər saatlarında Lənkəranda 80 yaşlı kişinin özündən 27 yaş kiçik həyat yoldaşını öldürməsi hadisəsi ilə bağlı bəzi məqamlar aydınlaşıb.

Unikal.org Lent.az-a istinadən xəbər verir ki, Lənkəran şəhəri, Məhəmməd Əsədov küçəsi 13 ünvanında sözügedən cinayəti törətmiş 1937-ci il təvəllüdlü Əzimov Xanoğlan Əlixan oğlunun öldürdüyü qadının onun 3-cü həyat yoldaşı olduğu məlum olub. Belə ki, uzun illər əvvəl evlənən X.Əzimovun ilk nikahdan 6 övladı olub və onun ilk həyat yoldaşı vəfat edib. Daha sonra Neftçaladan olan qadınla evlənən Lənkəran sakininin bu izdivacı qısa sürüb və qadın 2 ay sonra Xanoğlan Əzimovu ataraq ata evinə qayıdıb. Lerik rayon Mastail kənd sakini olan 1964-cü il təvəllüdlü İsmayılova Almagül Əlixan qızı ilə isə o, 10 il əvvəl ailə qurub. Lakin aralarında 27 yaş fərq olan cütlüyün övladı olmayıb. Son illərdə isə Xanoğlan Əzimovda sinir xəstəlikləri özünü göstərirmiş. 

Hadisənin də 80 yaşlı kişinin əsəblərinin pozulması nəticəsində baş verdiyi ehtimal edilir.

Qeyd edək ki, X.Əzimov polis tərəfindən saxlanılıb, onun barəsində cinayət işi açılıb.

09:21

Lənkəranda 80 yaşlı kişi həyat yoldaşını balta ilə qətlə yetirib.

Unikal.org APA-ya istinadən xəbər verir ki, hadisə Lənkəran şəhərində qeydə alınıb.

Şəhər sakini, 1937-ci il təvəllüdlü Əzizov Xanoğlan ailə münaqişəsi zəmnində həyat yoldaşı, 1964-cü il təvəllüdlü İsmayılova Almağülü qətlə yetirib. Dəhşətli qətli törədən şəxs saxlanılıb.

Faktla bağlı araşdırma aparılır.