Çeçenistanın prezidenti Ramzan Kadırov azərbaycanlı döyüşçü Zabit Səmədovun ad gününü təbrik edib.

Unikal.org Baku.ws-yə istinadən xəbər verir ki, R.Kadırov Zabiti öz qardaşı kimi təqdim edərək sosial şəbəkədə video paylaşıb. Videoda "Mauqli ləqəbli döyüşçümüz təsvir olunub. "Bu gün dünyanın ən məşhur kikboks döyüşçülərindən biri, əziz qardaşımın ad günüdür. "Axmat klubunun prezidenti Zabit Səmədov parlaq qələbələri ilə adını dünya idmanına yazıb. O, bir neçə qat Dünya, Avropa, beynalxalq turnirlərin qalibi və Qran Prinin sahibir. Zabit Çeçenistanın "Axmat" klubunu çox layiqli təmsil edir. Əminəm ki, qardaşımın uğurları irəlidə olacaq. Zabitə can sağlığı və uğurlar arzu edirəm".

Azərbaycanın məşhur kikboksçusu Zabit Səmədov ötən gün dostları ilə ad gününü qeyd edib. Bakıda bir məclisdə dostları və yaxınları ilə birlikdə xoş gün keçirən Zabit 33 yaşını qeyd edib.

İdmançımızın ad günündə milyarder Fərhad Əhmədov, millət vəkili Adil Əliyev, teleaparıcı Hacı Nuran və tanınmış idmançı İlyas Xəlilov da iştirak edib.