Ukrayna Dövlət Mühafizə İdarəsinin əməkdaşları Prezident Pyotr Poroşenko və digər dövlət məmurlarının olduğu restoranın ətrafındakı jurnalistlərə hücum ediblər.

Unikal.org xəbər verir ki, bu barədə hadisənin iştirakçısı olan reportyor Mixail Tkaç Feysbuk səhifəsində yazıb.

Onun sözlərinə görə, hadisə Kiyevin Konça-Zaspa rayonunda baş verib. Jurnalistlər dövlət başçısının şam yeməyini kameraya çəkmək istəyiblər, amma mühafizəçilər onlara bunu etməyə imkan verməyiblər.

Poroşenko ilə birlikdə Ukrayna baş naziri Vladimir Qroysman, Ali Radanın vitse-spikeri İrina Geraşenko və digər siyasətçilər olub.