SON XƏBƏRLƏR
25 Aprel 2018
24 Aprel 2018
"Türkiyənin davranışından çox narahatıq" - ABŞ rəsmisi
DÜNYA 21:51 / 12.12.2017

ABŞ Türkiyənin Rusiyadan "S-400” zenit-raket komplekslərini əldə edəcəyinin mümkünlüyündən narahatlıq ifadə etməkdə davam edir. 

Unikal.org-un"RİA Novosti”yə istinadən verdiyi xəbərə görə, bu barədə ABŞ dövlət katibinin Avropa və Avrasiya üzrə köməkçisi Uess Miçel bildirib.

"Türkiyənin, xüsusən ABŞ-ın diplomatik missiyalarında işə cəlb olunan yerli əməkdaşlarla bağlı son vaxtlar müşahidə olunan davranışı bizi çox narahat edir. Biz Türkiyə ilə müttəfiq kimi çalışmaqda davam edirik. Bir çox sahələr üzrə, "S-400” də daxil olmaqla narahatlığımızı ifadə etməkdə davam edirik. Bu türklərlə apardığımız danışıqların bir hissəsidir”, - deyə o Senatın beynəlxalq işlər komitəsində çıxışı zamanı bildirib.

Qeyd edək ki, Türkiyə prezidenti Rəcəb Tayyip Ərdoğan Rusiya prezidenti Vladimir Putinlə keçirdiyi danışıqların yekunlarına dair bildirmişdi ki, Ankara cari həftə ərzində Rusiyadan "S-400” zenit-raket komplekslərinin tədarükünə dair məsələni həll edəcək.

V.Putin isə, öz növbəsində, iki ölkə arasında hərbi kredit sazişinin yaxın zamanda imzalanacağına ümid etdiyini bildirib.