SON XƏBƏRLƏR
18 Iyul 2018
17 Iyul 2018
O da Mourinyo kimi etdi - FOTO
İDMAN 15:30 / 19.03.2018
Türkiyə Super Liqasının 26-cı turunda səfərdə "Fənərbaxça” ilə qolsuz bərabərə qalan "Qalatasaray”ın məşqçisi Hasan Şaş matçın son dəqiqələrində, komandası qol fürsətini qaçırdıqdan sonra əsəbini yerə yıxılaraq büruzə vermişdi.

Unikal.org xəbər verir ki, Fatih Terimin köməkçisinin bu hərəkəti "Fənər” azarkeşləri tərəfindən sosial şəbəkələrdə geniş müzakirə edilmişdi. Keçmiş yarımmüdafiəçi Türkiyə mətbuatına açıqlamasında oyun zamanı hisslərini idarə edə bilmədiyini deyib. O, bunda qeyri-adi heç nəyin olmadığını, bir çox məşhur məşqçinin, Joze Mourinyonun da təəssüf hissini belə göstərdiyini bildirib:

"Qol fürsəti qaçırdıq, buna reaksiya verdim. Dünyada da buna nümunələr var. Mourinyo da belə etmişdi. Oyunu fərqli hisslərlə yaşayırıq. Bu cür hərəkəti ancaq, matçı hiss edən biri edə bilər. Qol fürsəti qaçırdıq və buna belə reaksiya verdim. Bunu böyütmənin nə mənası var ki? Biz "Qalatasaray” üçün hər şeyi yaşamışıq”.