Masallı rayonunda silahlı insident nəticəsində bir nəfər ağır yaralanıb.

Unikal.org report-a istinadən xəbər verir ki, 1953-cü il təvəllüdlü Qızlavar kənd sakini Ağayev Ağəddin Nuru oğlu güllələnmə diaqnozu ilə Masallı Rayon Mərkəzi Xəstəxanasına gətirilib.

Cərrahi əməliyyat zamanı onun bədənindən 4 güllə çıxarılıb.

Hadisənin münaqişə zəminində baş verdiyi bildirilir. Qeyd olunur ki, zərərçəkmiş Rusiyada müəyyən şəxslərlə ədavətdə olub və bu səbəbdən Azərbaycana qaçıb. Lakin sözügedən şəxslər onu təqib edərək Masallıda güllələyiblər.

Faktla bağlı araşdırma aparılır.

***
Apa-nın məlumatına görə, kənd sakini, 1953-cü il təvəllüdlü Ağəddin Nuru oğlu Ağayev həmkəndlisi tərəfindən güllələnib. A. Ağayev 3 güllə yarası alıb. Güllələrdən biri onun qolundan, ikisi isə qarın nahiyəsindən dəyib.

Yaralı Masallı Rayon Mərkəzi Xəstəxanasına yerləşdirilib. Hazırda onun üzərində cərrahiyyə əməliyyatı aparılır.