Lənkəran rayonunda baş verən ağır yol-nəqliyyat hadisəsi zamanı xəsarət alan şəxslərin adı məlum olub.

Unikal.org report-a istinadən xəbər verir ki, rayonun Bürcəli kəndi ərazsində, 90-NE-057 dövlət qeydiyyat nişanlı "VAZ-2107" markalı avtomobil 01-BE-732 dövlət qeydiyyat nömrə nişanlı "KamAZ" markalı yük maşını ilə toqquşub.

Nəticədə "07"-də olan sürücü və sərnişinlər - rayonun Bürcəli kənd sakinləri, 1991-ci il təvəllüdlü Asim Natiq oğlu Feyziyev, 1992-ci il təvəllüdlü Elnur Baləddin oğlu Sovqatov və rayonun Biləsər kənd sakini, 1982-ci il təvəllüdlü Nahid Zeynal oğlu Həsənov müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına çatdırılıblar. Yaralıların vəziyyətinin ağır olduğu bildirilir. Onlardan 2-si - A.Feyziyev və E.Sovqatov xəstəxananın Reanimasiya şöbəsinə yerləşdirilib.

***11:44

Lənkəranda "VAZ 2107" markalı minik avtomobili ilə "KamAZ" markalı yük maşını toqquşub.

Unikal.org report-a istinadən xəbər verir ki, hadisə Ələt- Astara magistralının Lənkəran rayonunun Bürcəli kəndi ərazisindən keçən hissəsində baş verib.

Hadisə zamanı üç nəfər xəsarət alıb. Onlardan ikisinin vəziyyəti ağırdır. Yaralılardan birinin boğaz nayihəsi kəsilib.

Yaralılar Lənkəran Rayon Mərkəzi Xəstəxanasına çatdırılıblar.

Faktla bağlı araşdırma aparılır.