22 Oktyabr 2018
21 Oktyabr 2018
UNEC-in Zaqatala filialına qəbulda yenilik: ixtisas sayı artırıldı (FOTO)
CƏMİYYƏT 17:03 / 13.06.2018
UNEC-in Zaqatala filialının təşkilatçılığı ilə X-XI sinif şagirdləri arasında 7 fənn üzrə olimpiada keçirilib.

Unikal.org xəbər verir ki, filialın müəllimlərinin ana dili, fizika, riyaziyyat, ingilis dili, coğrafiya, tarix, informatika fənləri üzrə Dövlət İmtahan Mərkəzinin standartlarına uyğun tərtib etdikləri suallar əsasında təşkil olunan olimpiadada Zaqatala, Qax və Balakən rayonlarının məktəbliləri iştirak edib. Olimpiadanın nəticələri açıqlandıqdan sonra qaliblər Zaqatala filialına dəvət olunublar.

Filialın direktoru, professor Orucəli Rzayev qalibləri təbrik edərək, onlara təhsillərində uğurlar arzulayıb. Filial barədə məktəblilərə ətraflı məlumat verən O.Rzayev yeni tədris ilindən burada tələbə qəbulunun I və II ixtisas qrupu üzrə aparılacağını diqqətə çatdırıb. Filialda iqtisadiyyat, biznesin idarə edilməsi, maliyyə, mühasibat uçotu və audit ixtisasları ilə yanaşı, bu tədris ilindən menecment, marketinq, informasiya texnologiyaları ixtisasları üzrə də qəbulun həyata keçiriləcəyini vurğulayıb.

Filialdakı yenilikləri müsbət qarşılayan məktəblilərin sualları cavablandırılıb.

Sonda olimpiada qaliblərinə diplom və hədiyyələr təqdim olunub.