Gürcüstan Parlamenti iki gün davam edən müzakirələrdən sonra Baş nazir Mamuka Baxtadzenin təqdim etdiyi tərkibdə hökumətə etimad göstərib.
Unikal.org xəbər verir ki, hökumətin yeni tərkibinin lehinə 101, əleyhinə 12 deputat səs verib.
Məlumat üçün qeyd edək ki, yeni hökumətdə əvvəlki kimi 14 deyil, 10 nazirlik və bir dövlət naziri vəzifələri qalıb.
Beləliklə Gürcüstanın elm, təhsil və mədəniyyət naziri Mixail Batiaşvili, iqtisadiyyat və davamlı inkişaf naziri Qeorqi Kobuliya, maliyyə naziri Arçil Qaçeçiladze, regional inkişaf naziri Mayya Tsikitaşvili, ətraf mühit və kənd təsərrüfatı naziri Levan Davitaşvili, xarici işlər naziri David Zalkaliani, daxili işlər naziri Qeorqi Qaxariya, ədliyyə naziri Teya Tsulukiani, müdafiə naziri Levan İzoria, məcburi köçkünlər, əmək, səhiyyə və sosial müdafiə naziri David Serqeenko, Barış və Vətəndaş Bərabərliyi məsələləri üzrə Dövlət naziri vəzifəsinə isə Ketevan Tsexelaşvili təyin olunublar.
