Tovuzda qadın bıçaq xəsarətləri ilə xəstəxanaya yerləşdirilib.

Unikal.org apa-ya istinadən bildirir ki, rayonun Avaztəpə kənd sakini 1958-ci il təvəllüdlü Lətifə İsmayılova bədəninin müxtəlif nahiyələrində bıçaq yaraları ilə xəstəxanaya çatdırılıb.

L. İsmayılovaya tibbi yardım göstərilib, vəziyyətinin kafi olduğu bildirilir.

İlkin məlumata görə, L. İsmayılova ailə münaqişəsi zəmnində həyat yoldaşı tərəfindən bıçaqlanıb.

Faktla bağlı Tovuz rayon Polis Şöbəsində araşdırma aparılır.