09 Dekabr 2018
“Onlar öz çirkin niyyətlərinə çatmayacaqlar” - Rufiz Qonaqov
CƏMİYYƏT 17:22 / 16.07.2018
"Gəncə terrorundan sonra, xüsusilə də Gəncə şəhər İcra hakimiyyətinin başçısına edilən cinayət, eyni zamanda iki polis zabitinin qətlə yetirilərək onlara qarşı edilən terror və bu hadisələrin yenidən Azərbaycanın başqa bölgələrində, Sumqayıtda törədilmə istəyi ilə bağlı alınan məlumatlardan sonra məlumat yayıldı ki, Azərbaycanın hüquq-mühafizə orqanları İlham Əliyevin tapşırığı ilə qabaqlayıcı tədbirlər həyata keçirirlər. Sumqayıt şəhərində bununla bağlı xüsusi əməliyyat keçirilib və əməliyyat nəticəsində 18 nəfər saxlanılıb. Eyni zamanda aydın oldu ki, Gəncə hadisəsində günahkar bilinərək saxlanılanların içərisində bu prosesdə iştirak edənlərin Azərbaycanın xaricində, xarici ölkələrdə xüsusi təlim keçmiş və bu hadisələri törətmək məqsədilə orada dini cərəyanlara, xüsusi terrorçu təşkilatlara qoşulub və siyasi birləşmələrin, qruplaşmaların tərkibində xüsusi təlimlər keçərək müəyyən tapşırıqlar alıblar".

Unikal.org xəbər verir ki, bu fikirləri Azərbaycan Respublikası Prezidenti yanında QHT-lərə Dövlət Dəstəyi Şurasının üzvü, BMAM sədri Rufiz Qonaqov deyib.

O bildirib ki, bununla bağlı Azərbaycanın hüquq-mühafizə orqanları istintaqı davam etdirir və eyni zamanda önləyici tədbirlər həyata keçirirlər. Çünki Azərbaycan dövləti güclü və demokratik bir ölkədir. Azərbaycanda din pərdəsi altında hansısa terrorçular, dini cərəyanlar, qruplaşmalar, şəbəkələrin fəaliyyət göstərməsi yolverilməzdir. Azərbaycan tolerant ölkədir. Azərbaycanda bütün qayda-qanunlar mövcud Konstitusiya çərçivəsində həyata keçirilə bilər. Ölkədə hər bir vətəndaşın hüquqları qorunur və təhlükəsizliyi təmin edilir. Cənab prezident bununla bağlı xüsusi olaraq müşavirədə də qeyd etdi.
Rufiz Qonaqovun sözlərinə görə, dünyanın istənilən ölkəsində daxildə xaos yaratmaq istəyən qüvvələr olur və yaxın tarixdə Qazaxıstanda, Türkiyədə, İran, Gürcüstanda belə hadisələr baş verib. Hətta o ölkələrdə parlamet üzvlərini, prezidentliyə namizədləri gülləlləyiblər. Azərbaycanda isə həmişə sabitlik olub. Lakin Gəncədə hadisələrinin baş verməsi Azərbaycan hüquq-mühafizə orqanlarını hərəkətə keçməyə vadar etdi və bununla bağlı artıq bir çox məsələlərin üstü açılır: "Azərbaycanın bu gün dünyada artan nüfuzu, Cənubi Qafqazın lider dövlətinə çevrilməsi, ölkəmizin artıq Dağlıq Qarabağ problemini öz ordusunun gücü ilə həll etməsi, ölkədə stabilliyin davamlı olaraq inkişafı, xalq-iqtidar birliyi, xalqın prezidentin, prezidentin isə xalqın yanında olması Azərbaycanı gözü götürməyən dairələri narahat edir".

Politoloq əlavə etdi ki, Azərbaycan son illərdə böyük infrastruktur, böyük enerji layihələrinə imza atdı. İlham Əliyevin qətiyyətli mövqeyi nəticəsində ölkəmizdə neft-qaz layihələri, böyük nəqliyyat layihələri həyata keçirilir. Dünyanı şərq və qərblə bağlayan körpülər Azərbaycan vasitəsilə həyata keçirilib. Bütün bunlar onu deməyə əsas verir ki, bu qısqanclıqlar ölkəmizə qarşı gözlənilən idi. Azərbaycanın hüquq-mühafizə orqanlarının bu gün vəzifə borcu məhz bu kimi təxribatçı halların qarşısnı almaqdır: "Ümumiyyətlə Azərbaycanda təxribata cəhdlərlə hər hansı bir ictimai-siyasi sabitliyi pozmaq mümkün deyil, eyni zamanda bu kimi istər daxili, istər xaricdən olsun bunu hazırlayanlar, bilməlidir ki, Azərbaycan dövləti o qədər güclü bir dövlətdir ki, xalq öz prezidenti ilə o qədər həmrəydir ki, heç zaman onlar bu çirkin niyyətlərinə çatmayacaqlar. Bu illər ərzində seçkilərdə, iri toplantılarda, tədbirlər ərəfəsində belə halları yaratmağa çalışıblar. Amma nəticədə heç nəyə nail ola bilməyiblər. Təəssüflər olsun ki, polis zabitləri qətlə yetirildi, icra başçısı güllələndi, amma bundan sonra onlar bu kimi niyyətlərinə çata bilməyəcəklər. Artıq Azərbaycan hüquq-mühafizə orqanları bütün tədbirləri görürlər ki, vətəndaşların təhlükəsizliyi təmin edilsin".

R. Qonaqov son olaraq qeyd etdi ki, kim əgər Azərbaycanda demokratik mübarizə aparmaq istəyirsə Azəbaycanın Konstitusiyasına görə bunun üçün hər cür imkan var. Lakin kim əgər silaha, terrora əl atacaqsa dünyanın heç bir yerində terrorçunun vətəni olmur və o, öz cəzasını alacaq.