Daşkəsən rayonunun Əmirvar kəndində süni göldə batmış 1975-ci il təvəllüdlü İmamverdiyev Habil Əli oğlunun axtarışları başa çatıb.
FHN-dən unikal.org-a verilən məlumata görə, H.İmamverdiyevin meyiti Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
Əməliyyat başa çatıb.-‹
10:15
Bir nəfər Daşkəsən rayonunda süni göldə boğulub.
Unikal.org xəbər verir ki, bu, rayonu Əmirvar kəndində süni göldə 1975-ci il təvəllüdlü Habil Əli oğlu İmamverdiyevdir. Məlumata görə, o evdən çıxaraq süni gölə çimmək üçün gedib və geri qayıtmayıb. Hadisə barədə hüquq-mühafizə orqanlarına məlumat verilib.
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.