Türkiyədə avtomobil salonu sahibi Rahim Aracı bir neçə gün öncə Konyada sevgilisi Saidə Yüksəliri amansızlıqla qətlə yetirib. O qadına 8 dəfə atəş açıb. .  

R.Aracı hadisəni törətdikdən sonra ölkədən qaçmağı planlaşdırıb. Unikal.org Türkiyəmətbuatına istinadən xəbər verir ki, Aracıya qaçmaqda kömək edən dostu və vəkili də saxlanılsa da, onların hər ikisinin ifadəsi alındıqdan sonra sərbəst buraxılıblar.

Hadisə iyulun 24-də Konya Qaratay ilçəsi Fevzi Çakmak məhəlləsində baş verib. Hadisədən bir gün öncə Saidə Yüksəlir evli, 3 uşaq atası Rahim Aracının iş yerinə gedərək dava salıb. Mübahisə zamanı polis gəlsə də, onlar bir-birindən şikayətçi olmayıb, barışıblar. Bir gün sonra isə Rahim Aracı iş yerinə gələn zaman sevgilisinə 8 dəfə atəş açaraq ağır yaralayıb və hadisə yerindən qaçıb. Saidə Yüksəlir son nəfəsində "Məni Rahim vurdu" deyə qatilinin adını deyib. 

Hadisədən sonra polis Rahim Aracının hara gedə biləcəyini müəyyən etmək üçün dostlarından məlumat alıb və onun Antalyada bir pansionda qaldığını müəyyən edərək, onu həbs edib.

Həbs edildikdən sonra Rahim Aracının vəkil Səlahəddin Eyyubi ilə görüşdüyü müəyyən edilib. Vəkilin Aracıya mobil telefonunu qırıb atmasını, sim kartını istifadə etməməsini məsləhət gördüyü, bir gecə gün Konyada qaldıqdan sonra Eskişəhərə getməsində kömək etdiyi məlum olub.

Aracının qurban bayramı üçün ölkələrinə qayıdan suriyalıların arasına qarışıb Suriyaya keçmək istədiyi müəyyən edilib.

Məlumata görə, Saidə Yüksəlirin 150 min lirəyə aldığı evdə Rahim Aracının atasının yaşayıb və mənzil satışa çıxarıldığı zaman onlar arasında mübahisə yaşanıb.

Rahim Aracı ifadəsi zamanı "Mən atəş açmadım. Dava etdik. Saidə tapançanı əlimdən aldı və özünü vurdu. Qorxdum, onu avtomobilimdən ataraq qaçdım" deyib.

Rahim Aracının hadisədən əvvəlki gecə sevgilisinin 14 yaşlı qızına təcavüz etdiyi də iddia edilir.  Saidə Yüksəlirin 14 yaşlı qızı polisə gedərək "Anamın birlikdə yaşadığı Rahim Aracı mənə təcavüz etdi" deyə şikayət edib. 

Polis Saidə Yüksəliri şöbəyə çağırıb. Polis idarəsindən qızını götürüb çıxan Saidə Yüksəlir Rahim Aracı ilə görüşüb və onun tərəfindən öldürülüb.

Bildirilir ki, azərbaycan əsilli Saidə Yüksəliri 4 uşaq anasıdır.