23 Oktyabr 2018
Şəkidə bir ailənin üzvləri yol qəzasında xəsarət aldı
HADİSƏ 19:39 / 23.09.2018
Şəkidə baş verən yol qəzasında bir neçə nəfər xəsarət alıb.

Unikal.org "Report"a istinadən xəbər verir ki, hadisə günorta saatlarında Şəkinin giriş hissəsində baş verib.

Mingəçevir şəhər sakini, 1987-ci il təvəllüdlü İsgəndərov Abbasəli Vaqif oğlu "VAZ-2106" markalı minik avtomobili ilə hərəkətdə olarkən nəqliyyat vasitəsinə idarəetməni itirib. Nəticədə avtomobil yolun kənarındakı maneəyə çırpılıb.

Qəza zamanı sürücü A.İsgəndərov, avtomobildə olan sərnişinlər-Mingəçevir şəhər sakinləri:- 1992-ci il təvəllüdlü Günay Nəbi qızı İsgəndərova və 1961-ci il təvəllüdlü Zemfira Şamil qızı İsgəndərova müxtəlif bədən xəsarətləri alıblar. Yaralılar Şəki Rayon Mərkəzi Xəstəxanasına aparılıblar.

Xəstəxanadan "Report"a bildirilib ki, yaralılardan G.İsgəndərovanın vəziyyəti ağır olduğundan onun müayinə və müalicəsini davam etdirmək üçün Bakı şəhərindəki xəstəxanalardan birinə göndərilməsi qərara alınıb. Digər yaralıların xəsarəti yüngül olduğundan onlara ilkin yardım göstərilib və ambulator müalicə almaq şərti ilə evə buraxılıblar. Qəzaya düşənlər bir ailənin üzvləridir.