15 Noyabr 2018
14 Noyabr 2018
Qaşıqçının qətli işinə Səudiyyə məhkəməsi baxacaq
DÜNYA 00:35 / 21.10.2018
Səudiyyəli jurnalist Camal Qaşıqçının qətli işinə Səudiyyə Ərəbistanınınməhkəməsində baxılacaq.

Unikal.org TASS-a istinadən xəbər verir ki, bu barədə krallığın ədliyyə naziri, şeyx Valid bin Məhəmməd əs-Samaani bildirib.

Nazir qeyd edib ki, Qaşıqçının öldürülməsi Səudiyyə Ərəbistanının suveren ərazisində baş verib. Müvafiq prosedurun başa çatmasından sonra iş baxılması üçün Səudiyyə məhkəməsinə göndəriləcək.

Qeyd edək ki, Camal Qaşıqçı oktyabrın 2-də Səudiyyə Ərəbistanının İstanbuldakı Baş Konsulluğunun binasına gəlib və bundan sonra itkin düşüb.

Xatırladaq ki, Səudiyyə Ərəbistanı hökuməti yerli jurnalist Camal Qaşıqçının Krallığın İstanbuldakı Baş konsulluğunda münaqişə nəticəsində öldüyünütəsdiq edib. Qaşıqçının qətlə yetirilməsi ilə bağlı iş üzrə Səudiyyə Ərəbistanının 18 təbəəsi saxlanılıb.