13 Noyabr 2018
12 Noyabr 2018
"Bayrağı günü" və "Konstitusiya günü" İsmayıllıda qeyd edildi - FOTO
CƏMİYYƏT 17:04 / 08.11.2018
"Heydər Əliyev idarəetmə məktəbi”nin növbəti, geniş miqyaslı məşğələsi Dövlət Bayrağı gününə və Konstitusiya günününə həsr edilib. 

Unikal.org xəbər verir ki, Mədəniyyət Mərkəzində keçirilən tədbiri giriş nitqi ilə açan aparıcı Rəşid Məmmədov qeyd edib ki, Azərbaycan həyatının elə bir sahəsi yoxdur ki, onun inkişafı, yeniləşməsi, müasirləşməsi, milli maraqlar üzərində qurulması ümummilli lider Heydər Əliyevin adı ilə bağlı olmasın. 23 illiyini qeyd etməyə toplaşdığımız Azərbaycan Respublikası Konstitusiyasının qəbulu da ulu öndərin xilaskarlıq missiyasının sona qədər yerinə yetirməsinin göstəricisidir. Dövlət müstəqilliyinin əbədiləşməsində hüquqi baza olan Azərbaycan Konstitusiyası Heydər Əliyevin dərin idrakının, qlobal düşüncəsinin, mənsub olduğu xalqın taleyi üçün özünü məsul bilməsinin nəticəsidir.
Azərbaycan Xalq Cümhuriyyəti Nazirlər Şurasının 1918-ci il 9 noyabr tarixli qərarı ilə milli bayrağımız qəbul edilib.70 ildən sonra Dövlət Bayrağı kimi ümummilli liderimiz Heydər Əliyev Naxçıvan Ali Məclisinin sədri olarkən üçrəngli bayrağımızı yenidən qaldırıb. Azərbaycan Respublikasının Prezidenti cənab İlham Əliyevin Sərəncamı ilə 9 noyabr Dövlət Bayrağı günü kimi qeyd edilir. Odur ki, "Heydər Əliyev idarəetmə məktəbi”nin bugünkü təntənəli məşğələsində Azərbaycan tarixinin Heydər Əliyev mərhələsinin ən önəmli, müstəqilliyimizi əbədiləşdirən çox dəyərli bu iki hadisəsi bayram edilir.

Sonra Dövlət Himni səsləndirilib.

İsmayıllı Rayon Məhkəməsinin sədri Rəfael Şirinov hər iki mövzunu əhatə edən məruzə ilə çıxış edib.
İsmayıllı Rayon İcra Hakimiyyətinin başçısı Mirdaməd Sadıqov çıxışında ümummilli lider Heydər Əliyevin Azərbaycan Konstitusiyasının yaradıcısı olduğunu, bu tarixi sənədlə dövlət müstəqilliyimizin əbədiliyinin və dönməzliyinin sarsılmaz bünövrəsini qoyduğunu qeyd edib. Bildirib ki, hər bir maddəsi Ulu öndərin dərin zəkasının məhsulu olan Azəbaycan Konstitusiyası cənab Prezident İlham Əliyevin rəhbərliyi ilə ölkənin çoxistiqamətli inkişafını, hüquqi dövlətimizin daha da möhkəmlənməsini təmin edir.

162 metr hündürlükdə dalğalanan Azərbaycan bayrağı dünyanın ən yüksək bayrağıdır. Bu, dövlətimizin ucalığıdır, millətimizin vüqarıdır, xalqımızın fəxridir, müstəqilliyimizin əbədilik rəmzidir. Odur ki,biz bu iki tarixi hadisəni tarixi günü təntənə ilə qeyd edirik.
Bayram tədbiri Şəhər Mədəniyyət Mərkəzinin hazırladığı konsert proqramı ilə yekunlaşıb.

***
İsmayıllı Rayon Gənclər və İdman İdarəsi İsmayıllı Rayon Polis Şöbəsi ilə birgə 9 Noyabr Dövlət Bayrağı günü münasibətilə hər sürücüyə bir bayraq aksiyası keçirib.