"Xalq ulduzu" müsabiqəsindən tanınan müğənni Mirkamil Kamilovun ictimaiyyətdən gizlətdiyi qızı ilə bağlı verdiyi gözlənilməz açıqlaması rezonansa səbəb olub.

Belə ki, "Instagram" hesabında yeni doğulmuş qız uşağınının fotosunu paylaşan Mirkamil, onu öz övladı kimi qələmə verib və vaxtı ilə onu öldürmək istədiyini də etiraf edib.

M. Kamilovun sözlərinə görə, ağır xəstəliklə mübarizə apardığı dönəmdə o, qızını öldürmək istəyib, amma özündən sonra yadigarının qalmasını düşünərək fikrindən daşınıb:

"Şükürlər olsun ki, Allah və qızım məni yenə də sizlərə qaytardı".

Unikal.org-un məlumatına görə, sözügedən məsələ ilə bağlı xəbərlərin yayılmasından sonra özünü fotosu paylaşılan körpənin dayısı kimi təqdim edən Təyyar Bayramov adlı şəxs 1news.az saytının redaksiyası ilə əlaqə saxlayıb.

"Bu, hamısı yalandır. Fotoda mənim bacımın qızıdır. Onun Mirkamilə heç bir aidiyyatı yoxdur", - deyən T. Bayramov müğənni ilə kontakt yarada bilməməsini də əlavə edib.

Qeyd edək ki, Mirkamil son günlər "Instagram"dakı paylaşımları ilə gündəmdən düşmür. O, beyin xərçəngindən, narkotikdən əziyyət çəkdiyini açıqlayıb. İfaçı heç vaxt ailəli olmayıb.