Tez-tez sizə evakuator sürücülərinin yollarda qaydaları pozaraq yaratdıqları təhlükələr barədə xəbər təqdim edirik. Belələrinə daha biri əlavə edilib.

Unikal.org xəzərxəbər-ə istinadən bildirir ki, bu görüntüdə isə qadağan edilən yerdə dayanan avtomobili evakuasiya edən evakuator sürücüsü həm öz, həm də yol hərəkətinin digər iştirakçılarının həyatını təhlükə altına atır.

Nəqliyyat axınının əksinə hərəkət edən evakuator avtomobili yolu bağlayaraq qadağan edilmiş yerdə saxlanılan maşını evakuasiya edir. Bu zaman isə evakuator sürücüsü avtomobili heç bir təhlükəsizik tədbiri görülmədən yolun ortasında saxlamaqla həm öz, həm də yol hərəkətinin digər iştirakçılarının həyatını təhlükə altına atır. Sürücülər isə evakuator idarə edənlərin bu şəkildə qayda pozmalarına tez-tez şahid olduqlarını bildirirlər.
Yol hərəkəti üzrə ekspert Ərşad Hüseynov isə bildirir ki, qanunvericilik evakuator sürücülərinə heç bir üstünlük vermir.
Üstəlik yol polisinin göstərişi ilə evakutor sürücüsü qaydanı pozan zaman yol polis əməkdaşı da digər sürücülərə müvafiq göstərişlər verməklə həm evakuator ekipajının, həm də digər sürücülərin təhlükəsizliyini təmin etməlidir.
Bakı Şəhər Dövlət Yol Polis İdarəsindən isə bildirilir ki, görüntü əsasında araşdırma aparılacaq.