Təsəvvür edin bir traktor qoşqusunda ot aparır. Ot bağlamalarına hansısa səbəbdən od düşür və yanan bağlamalar ətrafa səpələnir. Dəhşətli olan isə budur ki, traktor yanğına rəğmən yoluna davam edir və yarım kilometrə qədər məsafədə yer yanan ot bağlamaları ilə doludur. Yevlax-Bərdə yolunda bir neçə gün əvvəl çəkilmiş həmin görüntüləri təqdim edirik.

Unikal.org bildirir ki, belə görüntüləri ancaq filmlərdə görmək mümkündür deməyin. Bura Yevlax Bərdə yoludur.

Qoşqusundakı ot bağlamaları yanan traktor yoluna davam edir. Daha dəhşətlisi isə budur ki, od tutmuş bağlamalar yola tökülür.

Təxminən yarım kilometrə qədər məsafədə yolun bir hissəsi sanki od tutub yanır. Təbii ki bu yolla heç bir avtomobil hərəkət edə bilməz. Bu səbəbdən qarşı yola çıxmaq məcburiyyətində qalan sürücülər qəza təhlükəsi ilə üz üzə qalır.

Yola tökülən ot bağlamaları yanar vəziyyətdə olduğundan ətrafdakı ağaclar üçün də təhlükədir. Alov hər tərəfə yayıla bilər.

Tamaşaçılarımızın birinin  göndərdiyi bu görüntüləri həyəcansız izlməmək mümkün deyil.