Gələn mövsümdən Azərbaycan çempionatının I Divizionunda yeni komanda mübarizə aparacaq.

Unikal.org goal.az-a istinadən xəbər verir ki, bu barədə məlumatı Peşəkar Futbol Liqasının prezidenti Ramin Musayev "CBC Sport"da yayımlanan "Bizim Futbol" verilişində deyib:

"İki gənc mənə yaxınlaşdı və belə bir fikirdə olduqlarını bildirdi. Onlar "Binə" adlı komandanın I Divizionda mübarizə aparmasını istəyirlər. Məndən bunun üçün hansı sənədlər lazım olduğunu soruşdular. Cavab verdim ki, bank təminatını mənə təqdim edin, qalan sənədləri özüm təşkil edəcəyəm. Əməkdaşımız Zamiq Hüseynova bu məsələ ilə bağlı xüsusi tapşırıqlarımı vermişəm. Binə qəsəbəsində AFFA-nın balansında olan stadion var. "Binə"nin ev oyunlarını həmin stadionda keçirməsi ilə bağlı AFFA-ya müraciət edəcəyəm. Həmin stadionun meydançası süni örtükdən olsa da, keyfiyyətlidir".