2018/19 mövsümü üçün transfer çalışmalarını davam etdirən "Qarabağ" klubu daha bir futbolçunu heyətinə qatıb.

Unikal.org  klubun mətbuat xidmətinə istinadən xəbər verir ki, Ağdam təmsilçisi konqolu hücumçu Con Delarjla 3 (2+1) illik müqavilə imzalayıb.

Qeyd edək ki, Delarj karyerasına Kamerunun "Union Duala klubunda başlayıb. Daha sonra "Dunayska Streda (Slovakiya), "Slovan (Liberets, Çexiya), "Admira (Avstriya) və "Osmanlıspor (Türkiyə) komandalarında oynayıb. 28 yaşlı forvard son olaraq Türkiyə təmsilçisi "Bursasporda çıxış edib. Konqo yığmasının heyətində 12 oyuna çıxan Delarj 1 qolla yadda qalıb.