Şabranda mənzildə oğurluq hadisəsi baş verib.

Unikal.org "report"-a istinadən bildirir ki, rayonun Z.Əliyeva küçəsinin sakini Tərlan Əmirağa oğlu Rəsulov ailə üzvləri ilə birlikdə toydan qayıdarkən evindən oğurluq edildiyini görüb.

O, hadisə ilə bağlı Şabran Rayon Polis Şöbəsinə müraciət edib. T.Rəsulov mənzilindən 2900 manatın oğurlandığını bildirib.

T.Rəsulovun həyat yoldaşı stress vəziyyətinə düşdüyündən ailə üzvləri təcili tibbi yardıma müraciət edib və qadına ilkin tibbi yardım göstərilib.

Faktla bağlı Şabran Rayon Polis Şöbəsinin İstintaq Bölməsində araşdırma aparılır.