Moskvanın və bütün Rusiyanın patriarxı Kirill prezident İlham Əliyevi doğum günü münasibətilə təbrik edib.

Unikal.org xəbər verir ki, patriarx təbrik mesajında bildirib:

“Uzun illərdir istedadlı rəhbər kimi Azərbaycan xalqının mənafeyi naminə çalışırsınız. Rəhbərlik etdiyiniz respublikanın çiçəklənməsi və dinamik inkişafı qayğısına qalırsınız”. 

Azərbaycan prezidentinə Rus Pravoslav Kilsəsinə diqqətinə və Bakı-Azərbaycan yeparxiyasının fəaliyyətinə görə minnətdarlığını bildirən patriarx ona can sağlığı və uğurlar arzulayıb:

“Ümid edirəm ki, əməkdaşlığımız bundan sonra da qarşılıqlı fayda verəcək , Zaqafqaziya regionunda dinlərarası və millətlərarası əlaqələrin möhkəmləndirilməsi üçün ənənəvi mənəvi-əxlaqi dəyərlərin inkişafına imkan yaradacaq”