Gəncədə bıçaqlanma olub.

Unikal.org xəbər verir ki, hadisə şəhərin İsrafil Məmmədov küçəsində qeydə alınıb.

Belə ki, şəhər sakini 31 yaşlı İsa Qalayev naməlum şəraitdə bıçaq xəsarəti alıb. Yaralı dərhal xəstəxanaya yerləşdirlib və cərrahi əməliyyat olunub. Onun vəziyyətinin kafi olduğu bildirilir.

Hadisənin hansı səbəbdən baş verdiyi məlum deyil. Cinayəti törədən şəxs və ya şəxslərin tutulması istiqamətində əməliyyat-axtarış işlərinə başlanılıb.