Sumqayıtda mebel sexi yanır.

Unikal.org “Report”a istinadən xəbər verir ki, hadisə şəhərin Çerkassi küçəsində baş verib.

Hazırda yanğın davam edir.

Süleyman Əliyevə məxsus mebel sexində baş verən yanğının söndürülməsinə cəlb olunmuş yanğınsöndürənlərdən ikisi ağır xəsarət alıb.

***

Fövqəladə Hallar Nazirliyinin mətbuat xidmətindən verilən məlumata görə, "112" qaynar telefon xəttinə Sumqayıt şəhəri, 18-ci mikrorayonda mebel sexində yanğın olması barədə məlumat daxil olub. 

Dərhal nazirliyin Dövlət Yanğından Mühafizə Xidmətinin müvafiq qüvvələri hadisə yerinə cəlb olunub. Hazırda yanğınsöndürmə işləri davam etdirilir.