15 Sentyabr 2019
14 Sentyabr 2019
Prorektorun monoqrafiyası çap olundu - Foto
Prorektorun monoqrafiyası çap olundu -Foto CƏMİYYƏT 17:32 2019-08-10

Azərbaycan Dövlət Bədən Tərbiyəsi və İdman Akademiyasının prorektoru, professor Yusif Babanlının növbəti monoqrafiyası çapdan çıxıb.

Unikal.org xəbər verir ki, müəllifin Azərbaycan Dövlət Bədən Tərbiyəsi və İdman Akademiyasının 90 illiyinə ithaf editdiyi monoqrafiyası “Azərbaycan idmanının inkişaf yolları” adlanır. Monoqrafiyanın redaktoru pedaqogika üzrə elmlər doktoru, professor Dilqəm Qasım oğlu Quliyevdir. Azərbyacanda idmanın inkişaf mərhələlərindən bəhs edən monoqrafyaya pedaqogika üzrə elmlər doktoru, professor Akif Nurağa oğlu Abbasov, pedaqogika üzrə fəlsəfə doktoru, dosent Ənvər Məmməd oğlu Abbasov, pedaqogika üzrə fəlsəfə doktoru, dosent Vəli Heydər oğlu Əliyev və pedaqogika üzrə fəlsəfə doktoru, dosent Bəhruz Ərzuman oğlu Cabbarlı müsbət rəy veriblər.

Müəllifin hazırladığı monoqrafiyada Azərbaycanda idman sahəsinin inkişaf mərhələlərini özündə əks etdirən maraqlı mövzulara geniş yer verilib. Kitabda xalqımızın ümummilli lideri Heydər Əliyevin respublikaya rəhbərlik etdiyi illərdə idmanın inkişafına xüsusi nəzarəti və qayğısı, həmçinin, gənclərlə aparılan uğurlu idman siyasətinə dair məsələlərə də toxunulub. Bildiyimiz kimi ölkəmizdə idman sahəsinin sürətli inkişafı Azərbaycanın beynəlxalq aləmdə tanınmasında və yüksək mövqeyə sahib olmasında xüsusi önəm daşıyır. Monoqrafiyada ölkəmizdə keçirilən mötəbər idman yarışları və Azərbaycanın bu yarışlara yüksək səviyyədə ev sahibliyi etməsi, həmçinin, idmançılarımızın beynəlxalq turnirlərdə qazandığı parlaq qələbələr haqqında da geniş məlumatlar verilib.
 


  • Prorektorun monoqrafiyası çap olundu -Foto
  • Prorektorun monoqrafiyası çap olundu -Foto