15 Sentyabr 2019
14 Sentyabr 2019
Səfər Mehdiyev Rustam Soli ilə görüşdü
Səfər Mehdiyev Rustam Soli ilə görüşdü CƏMİYYƏT 17:53 2019-08-23

Bu gün  Azərbaycan Respublikası Dövlət Gömrük Komitəsinin sədri, gömrük xidməti general-leytenantı Səfər Mehdiyev Tacikistan Respublikasının Azərbaycandakı fövqəladə və səlahiyyətli səfiri Rustam Soli ilə görüşüb.

Unikal.org xəbər verir ki, qonağı səmimiyyətlə salamlayan Səfər Mehdiyev Azərbaycanla Tacikistan arasındakı mövcud əlaqələrdən bəhs edib, iki ölkə arasında tarixi dostluq münasibətlərinin əməkdaşlığın daha da gücləndirilməsi üçün möhkəm zəmin yaratdığını diqqətə çatdırıb.

Gömrük sahəsində də səmərəli əməkdaşlığın qurulduğunu vurğulayan Səfər Mehdiyev müxtəlif beynəlxalq tədbirlərdə və layihələrdə iki ölkənin gömrük orqanlarının vahid platformadan çıxış etməsini bunun bariz nümunəsi olduğunu bildirib.

Qeyd edilib ki, Azərbaycan Prezidenti İlham Əliyevin rəhbərliyi ilə ölkədə həyata keçirilən islahatlar gömrük sistemində idarəetmənin təkmilləşdirilməsi, gömrük prosedurlarının sadələşdirilməsi, vətəndaş məmnuniyyətinin təmin olunması istiqamətində uğurların əldə olunmasına şərait yaradıb. Komitə sədri informasiya texnologiyalarinin tətbiqi, risklərin idarə edilməsi, avtomatlaşdırılmış idarəetmə sistemi sahəsində Azərbaycan gömrüyünün nümunəvi təcrübə qazandığını və bu təcrübəni tacikistanlı həmkarları ilə bölüşdüyünü də diqqətə çatdırıb.

Tacikistan Respublikasının fövqəladə və səlahiyyətli səfiri Rustam Soli qarşılıqlı əməkdaşlıq əlaqələrindən razılığını bildirib, bu əməkdaşlığın daha da genişlənəcəyinə əminliyini ifadə edib.
Səfir Azərbaycanla Tacikistan arasında iqtisadi, siyasi münasibətlərin yüksələn xətlə inkişaf etdiyini, iki ölkənin gömrük orqanları arasında işgüzar və səmərəli dialoqun da bu əlaqələrin inkişafına töhfə verdiyini söyləyib.

Rustam Soli Azərbaycan gömrüyündə tətbiq edilən yenilikləri nəzərə almaqla Tacikistan gömrük xidmətinin bu təcrübədən yararlanmaqda maraqlı olduğunu, o cümlədən tacikistanlı gömrükçülərin Azərbaycanda təlim keçməsinin məqsədəuyğunluğunu bildirib.